أنا متشكرة جدا على الحوار الجميل ده ومبسوطة جدا وبالذات الحوار ده أنا عايزة منه نسخة جدا لأن أنا عاجبني جدا .. ميرسي راديو حياه

سيمون

استنوا كل أغاني هاني عادل وأغاني وسط البلد على راديو حياه

هاني عادل

بحيي كل مستمعين راديو حياه واسمعوا كل حاجة جديدة عندكوا على راديو حياه وكل أغانيا الجديدة .. بحبكوا أوي

جنات

ان شاء الله تبقوا حياه لكل مواطن على الأرض دي تقدموا الخير تبقوا صوت كل ضعيف توصلوه تبقوا صوت الرسالة القوية تبقوا صوت مصر اللي بيودي صورة لمصر كويسة اطرحوا الإيجابيات بلاش السلبيات حتى لو السلبيات كتير متجيبوش سيرتها اتكلموا عن الخير أكتر من الشر اتكلموا عن الإصلاح أكتر ما بتتكلموا عن الفساد .. ربنا سبحانه وتعالى هينوركوا وهيجعلكم دايما حياه

علاء مرسي

برافو عليكوا أنا عايز أحييكوا على الإذاعة الحلوة دي

عمرو رمزي

انا اللي اتشرفت جدا ان انا كنت معاكوا النهاردة .. انتو ناس محترمين جدا .. وسمعت ان انتو جامدين ومتسيطين .. فأنا بحاول اطبلكوا شوية كدة عشان تبقوا تطلعونى تاني معاكوا .. لأ بجد انتوا ناس محترمين وانا اتشرفت ان انا كنت معاكوا .. وانا بحب المنصورة اوى .. فمبسوط ان الناس هتسمعنى هناك انشاء الله .. واللي بيسمع حاجتي ولسه هيسمع باشكره مقدما انه بيسمع ومتابع ..
وان شاء الله اللي جاي يعجب الناس كلها

زاب ثروت

راديو حياه الجميل فيه إنكوا مُصرين و لسه مُستمرين فى إللى إنتوا بتقدموه رغم الصعوبات إللى موجودة فى المجال ده

خالد عليش

راديو حياه استمروا .. اللي انتوا بتعملوه ده البلد محتاجاه جدا ان احنا نبقى كلنا بنشتغل كشباب وان احنا بنبتدي نعمل حاجات جديدة للناس ونحاول ان احنا نرتقي بذوقنا عشان يناسب الناس والناس تبقى احسن وربنا يوفقكوا أنا اتبسطت جدا أن معاكوا وياريت تتكرر

مسار إجباري

راديو حياه علاقتى بيه من زماان جدا من أول مكان بدأ منه..طول عمره بيوزع الفرحة على الناس و عليه أنا شخصيا…شكرا راديو حياه

أدهم سليمان

أنتوا جمال قوي وربنا يوفقكوا جدا أنا كنت مبسوط معاكوا وعلى فكرة مش كل مرة الواحد بيبقى مبسوط وهو بيتكلم مع حد .. بسم الله ماشاء الله شباب محترمين وأتمنى أن يكون مصر كلها عندها هدف أن بلدنا تكون أحسن ونصيحة من أخ أكبر ليكم خليكم مستمرين على أنكم توجهوا الناس للحب الحقيقي حب الله سبحانه وتعالي

علي الهلباوي

أنتوا عاملين حلقة تقيلة أوي يعني أتاخدت على مشمي لكن برافو ليكي وللإعداد وللقائمين في الراديو وشكرا على استضافتي في اليوم والمكان ده وشكرا أن اليوم تم بالشكل اللطيف ده أنتوا مشيتوا الناس كلها مبسوطة ومهتمتوش بالمظاهر على الجوهر بالعكس كنتوا لطاف ومعملتوش دوشة ومحدش كان شايفكوا وده النجاح الحقيقي بس أنتوا مسمعين كويس وأعتقد أن أنتوا كمان عندكوا أفكار جاية حلوة أوي والناس هتسمعلكوا كتير جدا الفترة اللي جاية أن شاء الله

عمرو حسن

أنا بدات مع راديو حياه من زمان جدا و كان ليه برنامج فيه ..ليه فيه أيام و ذكريات…و هو حياه فعلا

محمد إبراهيم

راديو حياه هو البيت..بحبه جدا و بحب أتابعه أو أعرف كل جديد فيه

أسامة الهادي

أنا من الناس إللى بتعشق راديو حياه من أول ما بدأ..بيدخلوا أى إفنت و بيسجلوا مع الناس و يخرجوا منه فى هدوء..أنا بحترم كل فرد لابس تى شيرت مكتوب عليه راديو حياه

أحمد زين

من أكتر الراديوهات إللى بحب أسمعها..شغلها نضيف..شغل كويس و دى حاجة تشرفكوا

محمد الشبيني

مبسوطة أوي أن أنا هنا معاكوا أنتوا فعلا عيلة بالنسبة ليا وفخورة بيكوا مش هقولأكتر من كده فخورة بكل جزء من الفريق ده أنتوا فعلا مكملين بعض ..
you are a puzzle مكملة بعضها

مي عبدالعزيز